ფუძნარის ღვთისმშობლის ეკლესია მთიანეთის ყველაზე ძველი გუმბათოვანი ნაგებობაა. მდებარეობს მცხეთა-მთიანეთში, დუშეთის  მუნიციპალიტეტში, თიანეთისაკენ მიმავალი გზის პირას, მდინარე ბოდავისხევის (არაგვის სისტემა) ზემოთში, ზღვის დონიდან 1200 მ–ზე. თარიღდება XIII საუკუნის I ნახევრით. ეკლესიას გარს ევლება ამჟამად ფრაგმენტულად შემორჩენილი ქვის გალავანი. მის ჩრდილო–დასავლეთით საცხოვრებელი ნაგებობების ნაშთებია.